شركة ابداع تبوك للدهانات
اختيار الوان الدهانات
ألوان الدهانات اختيار مثالي لتحويل البيوت للوحة جمالية، لأنها مش بس بتضيف للديكور لمسات جديدة ،
دى كمان بتمنح البيت حيوية متجددة.
والفترة دى الموضة بتميل للألوان المبهجة اللي بتخلي جدران بيوتنا بتشع بالحيوية والتألق،
زى اللون الموف والبيج وألوان الأزرق بدرجاته ، بس كل ده مش بيتم إلا من خلال دهانات قوية
بألوان مميزة، وجودة استثنائية.
وعموما اختيار لون الدهان للجدران ، من أهم العوامل اللي بتأثر على الشكل النهائي للمكان،
ولأن دهانات غرف نوم الأطفال تختلف في الشكل واللون والمضمون عن دهانات غرف نوم العرايس،
وكمان لون الدهان هو اللي بيدي الراحة النفسية من عدمها في أى مكان سواء كان غرفه معيشة
أو مكتب او حتى حمام ، عشان كده لازم نختار اللون المناسب و الدرجة المناسبة من اللون
، قبل ما نبدأ في دهانات الحيطان .
ولازم ناخد بالنا من حاجة مهمة وهى إنه مش ممكن دهان البيت كله بلون واحد أو شكل واحد لأن ده بيصيب أصحابه بالملل
شركة ابداع تبوك للدهانات
لازم عند اختيار اللون نراعي الراحة النفسية وراحة العين ،وخصوصا اذا كان ده في غرف بيستمر
الجلوس فيها لفترات طويلة زى غرف الاستقبال والنوم.
والراحة النفسية دي بتتحقق مع أطياف الألوان الزرقا والخضرا، واللي بتجعلك تحس بأن المكان متسع أكتر
، أما اقتران الألوان الزرقا والخضرا فبيكون مع الألوان المحايدة واللون الأبيض.
أما عيلة الألوان الرمادية فلها حضور قوي في التصميم والديكور الداخلي للغرف ،
واللي ممكن من خلال إضافة مسحة من اللون الأصفر إننا نضيف ليه عنصر من الراحة.
كمان الألوان الترابية زى لون الخشب الطبيعي، واللي بتميل للون الأحمر فمع اضافة لمحة وردية
وممكن تدينا في النهاية لمسة أنثوية جميلة ، وكذلك الألوان الرمادية بتناسب درجات اللون الأسود.
أما درجات اللون البني فمع اضافة لمحة صفراء، ممكن نحصل على لون مطور
وكمان اللون البني بيدينا شكل رائع مع درجات اللون الذهبي.
دهان الحوائط له تأثير كبير على شكل المكان ، لأنه أول ما تقع عليه العين عند الدخول للبيت
،وعشان كده اخترنا لك أشكال كتير نتمنى إنها تنال اعجابك.
